20:06 Միստր X-ը՝ հայաստանյան մենահամերգի, հայրենիք վերադառնալու եւ անձնական կյանքի մասին | |
Արդեն մեկ տարուց ավել է՝ երգիչ Միստր X-ը ապրում և աշխատում է ԱՄՆ-ում: «Եթե ամեն բան իմ պլանավորածի պես ընթանա, աշնան վերջին Հայաստանում հանդես կգամ մենահամեգով»,-մեզ հետ զրույցում այսօր հստակեցրեց երգիչը: Նա նաև նշեց, որ այս տարի երկրպագուներին կմատուցի նոր տեսահոլովակ, իսկ թե կոնկրետ որ երգի հիման վրա՝ դեռ չի որոշել: Միստր X-ը մեկ այլ անակնակալ էլ է պատրաստում. նա մտադիր է մեկ տարվա ընթացքում նոր ձայնասկավառակ թողարկել: Մեր այն հարցին, թե կոնկրետ այս պահին ինչով է զբաղված երգիչը, վերջինս պատասխանեց, որ պարբերաբար մասնակցում է տարբեր մեծ ու փոքր միջոցառումների, ինչպես նաև ջանում է հմտանալ անգլերեն, իսպաներեն լեզուների իմացության մեջ: Նրա խոսքով՝ ինքն ունի իսպաներենով մի քանի նոր երգ, որոնք դեռ հանրության դատին չի ներկայացրել: Մենք նաև հարցրինք՝ չնայած այն հանգամանքին, որ ԱՄն-ում էլ նա երգում է հիմնականում հայերի համար, ի՞նչը երգչին կստիպի վերադառնալ հայրենիք: «Կարոտը, կարոտը, կարոտը...Հայաստանն իմ տունն է, Հայաստանի մի փոքր մասն էլ ես եմ»,-սրան ի պատասխան ասաց նա: Իսկ Life.panorama-ի այն հարցին, թե այս տարի հնարավո՞ր է Միստ X-ի կողքին տեսնենք արդեն այն միակին, ով կգրավի նրա սիրտը, երգիչը լակոնիկ պատասխան տվեց. «Եթե մի բան լինի, բոլորդ կիմանաք այդ մասին»: | |
|
| |
| Всего комментариев: 0 | |
