22:13 Մանկական Եվրատեսիլը կանցկացվի Հայաստանում | |
 Մանկական «Եվրատեսիլ» երգի մրցույթը կանցկացվի Հայաստանում՝ այս տարվա դեկտեմբերի 3-ին: Այս մասին այսօր ասուլիսում հայտարարեց «Եվրատեսիլ 2011»-ի հայաստանյան պատվիրակության ղեկավար Գոհար Գասպարյանը: Մրցույթն անցկացվելու է Կարեն Դեմիրճյանի անվան մարզահամերգային համալիրում: Գոհար Գասպարյանի տեղեկացմամբ' բացի մեր երկրից «Եվրատեսիլ 2011»-ը իրենց երկրում անցկացնելու ակնկալիքով Եվրոպական հեռարձակողների միությանը հայտ էին ներկայացրել ևս չորս պետություն: «Մենք շնորհակալ ենք մեր փոքրիկին՝ Վլադիմիր Արզումանյանին հաղթանակի համար, բայց նաև շնորհակալ ենք Հանրայինին իր աշխատանքի համար Եվրոպական հեռարձակողների միության հետ, ում հետ համաործակցությունը վերջապես տվեց իր արդյունքը, և վերջապես մանկական «Եվրատեսիլը» եկավ Հայաստան»,- ասուլիսում ասաց Գոհար Գասպարյանը: Նա տեղեկացրեց, որ մանկական «Եվրատեսիլ»-ում չի գործում սկզբունքն, ըստ որի հաղթող պետությունն է պարտավորվում անցկացնել մրցույթն իր երկրում: Մրցույթի ծախսերի մի մասը կհոգա Եվրոպական հեռարձակողների միությունը, իսկ մյուս մասը մեր պետությունը: Հանրային հեռուստառադիոընկերության խորհրդի նախագահ Ալեքսան Հարությունյանը վստահեցրեց, որ Հայաստանի պայմանները լիովին բավարար են «Եվրատեսլիը» բարձր մակարդակով անցկացնելու համար: «Մենք չպետք է զիջենք վերջին տարիներին անկցացված մանկական «Եվրատեսիլներին»,- ասաց Հանրային հեռուստառադիոընկերության գործադիր տնօրեն Գագիկ Բունիաթյանը: Ալեքսան Հարությունյանը տեղեկացրեց, որ երգի մրցույթին հյուրի կարգավիճակով ելույթ կունենան նաև համաշխարհային մեծության աստղեր: Նշենք, որ մրցույթի կազմակեչպչական աշխատանքներով կզբաղվի շվեդական HD resources կազմակերպությունը, որը «Եվրատեսիլ»-ներ կազմակերպելու մեծ փորձ ունի: Դեռևս պարզ չէ, թե քանի երկիր են մասնակցելու մանկական «Եվրատեսլին»: Նրանց թիվը կարող է հասնել 18-ի: | |
|
| |
| Всего комментариев: 0 | |
