00:15 Ի՞նչ անակնկալ է մատուցել Արման Աղաջանյանը Ալլա Լևոնյանին | |
Երգչուհի Ալլա Լևոնյանը ընդամենը մեկ շաբաթ է՝ ինչ վերադարձել է ԱՄՆ-ից, որտեղ մի քանի քաղաքներում, այդ թվում՝ Լոս Անջելեսում և Սան Ֆրանցիսկոյում հանդես է եկել համերգներով: Այս մասին Life.panorama-ին տեղեկացրեց ինքը՝ երգչուհին: Նրա խոսքով, ԱՄՆ-ում երգիչ Արման Աղաջանյանն իրեն անակնկալ է մատուցել, որից ինքը շատ է ուրախացել. «Երբ նրան հանդիպեցի, ասաց, որ հենց հաջորդ օրը միասին պետք է երգ ձայնագրենք, որի թե´ երաժշտության, թե´ խոսքերի հեղինակն ինքն է»,-պատմեց Ալլա Լևոնյանը: Արմանի հեղինակած երգը ռիթմիկ է, կատակ ոճի, դրա հիման վրա տեսահոլովակը ևս արդեն նկարահանված է. «Երգը ձայնագրելուց ընդամենը օրեր անց ԱՄՆ-ում նկարահանեցինք նաև տեսահոլովակը, որտեղ բացի Արմանից նկարահանվել են էլի մի քանի հայտնի դեմքեր»,-նշեց երգչուհին՝ հավելելով, որ այժմ ընթանում են տեսահոլովակի մոնտաժման աշխատանքները: Հիշեցնենք, որ սա Ալլայի և Արմանի առաջին համագործակցությունը չէ. տարիներ առաջ նրանք հանդես են եկել նաև «Ես մարալ եմ» երգով: Ալլա Լևոնյանը, խոսելով առաջիկա ծրագրերի մասին, տեղեկացրեց, որ մայիսի 31-ին և հունիսի 1-ին Երգի պետական թատրոնում ինքը ներկայանալու է համերգներով: Երգչուհին մտածում է նաև առաջիկայում մեծ մենահամերգով հանդես գալու մասին: Հեղինակ Աննա Բաբաջանյան
| |
|
Всего комментариев: 0 | |